കോളജ് സുഹൃത്തുക്കൊപ്പമുള്ള മമ്മൂട്ടിയുടെ ചിത്രം സമൂഹമാധ്യമത്തില്‍ തരംഗമാകുന്നു. മഹാരാജാസ് കോളജില്‍ വെച്ച് നടന്ന റീയൂണിയന്റെ ചിത്രങ്ങളാണ് വൈറലാവുന്നത്. മമ്മൂട്ടിയുടെ ജീവകാരുണ്യപ്രവർത്തനങ്ങളുടെ ചുമതലയുള്ള റോബർട്ട് ജിൻസും തന്റെ സമൂഹമാധ്യമ പേജിലൂടെ ഈ ചിത്രം ആരാധകർക്കായും പങ്കുവച്ചു.

രസകരമായ കമന്റുകളാണ് ചിത്രത്തിന് ലഭിക്കുന്നത്. 'അവിശ്വസനീയം' എന്നായിരുന്നു ചിത്രം കണ്ട മിക്കവരുടെയും അഭിപ്രായം.

രത്തീന സംവിധാനം ചെയ്ത പുഴു, ലിജോ പെല്ലിശ്ശേരിയുടെ 'നന്‍പകല്‍ നേരത്ത് മയക്കം', തെലുങ്ക് ചിത്രമായ ഏജന്റ് എന്നിവയാണ് ഷൂട്ടിങ് പൂർത്തിയായ മമ്മൂട്ടി ചിത്രങ്ങൾ. കെ. മധു സംവിധാനം ചെയ്യുന്ന സിബിഐ അഞ്ചാം ഭാഗത്തിലാണ് മമ്മൂട്ടി ഇപ്പോൾ അഭിനയിച്ചുകൊണ്ടിരിക്കുന്നത്.