തിരുവനന്തപുരം: പണിമുടക്കില് നിന്ന് സര്ക്കാര് ജീവനക്കാരെ വിലക്കിയത് തെറ്റായ നടപടിയെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. പണിമുടക്കിന്റെ ആവശ്യങ്ങളും സമരക്കാരുടെ ത്യാഗങ്ങളും അവശതകളും നീതിപീഠങ്ങള് പരിഗണിക്കണം. സമരവിരുദ്ധ ഹര്ജി പരിഗണിച്ച കോടതി ട്രേഡ് യൂണിയനുകളുടെ അഭിപ്രായം കേള്ക്കാന് തയാറായില്ലെന്നും അദ്ദേഹം വ്യക്തമാക്കി.
ദേശവിരുദ്ധ നയത്തിനെതിരെ സമരം ചെയ്ത തൊഴിലാളികള്ക്കും ജീവനക്കാര്ക്കും മേല് നിയമക്കുരുക്കിന്റെ വല എറിഞ്ഞു. വര്ഗാധിഷ്ഠിത സമരങ്ങള്ക്ക് ഇന്ത്യയിലെ കോടതികളുടെ പിന്തുണ പൊതുവില് പ്രതീക്ഷിക്കരുത് എന്ന പാഠമാണ് ഹൈക്കോടതി ഡിവിഷന് ബെഞ്ചിന്റെ ഉത്തരവെന്നും അദ്ദേഹം പറയുകയുണ്ടായി.
സില്വര്ലൈന് പദ്ധതിയുമായി ബന്ധപ്പെട്ട ഹൈക്കോടതിയുടെ ഇടക്കാല സ്റ്റേയെയും അദ്ദേഹം വിമര്ശിച്ചിട്ടുണ്ട്.സില്വര്ലൈന് പദ്ധതി തടയാന് പ്രതിപക്ഷവും തീവ്രമത ശക്തികളും കോടതിയെ ആയുധമാക്കി.
സുപ്രീം കോടതി ഉത്തരവ് അത്തരക്കാര്ക്ക് കനത്ത പ്രഹരമായി. അഭിമാനകരമായ പദ്ധതി തടസ്സപ്പെടുക്കാന് ഹൈക്കോടതി സിംഗിള് ബെഞ്ചിന് അധികാരമില്ലെന്ന് സുപ്രീം കോടതി നിരീക്ഷിച്ചു. സുപ്രീം കോടതി ഉത്തരവ് കീഴ്കോടതികളിലെ ജഡ്ജിമാര്ക്ക് തെറ്റു തിരുത്താന് അവസരം നല്കുന്നതാണെന്നും കോടിയേരി അറിയിച്ചു.
No comments:
Post a Comment