[New post] വടക്കഞ്ചേരി അപകടം ; കെഎസ്ആർടിസി ഡ്രൈവറുടെ ഭാഗത്തും തെറ്റുണ്ടെന്ന് കണ്ടെത്തൽ..
Thumbi posted: " പാലക്കാട്: വടക്കഞ്ചേരി അപകടത്തില് കെഎസ്ആര്ടിസി ഡ്രൈവറുടെ ഭാഗത്തും വീഴ്ച ഉണ്ടെന്ന് കണ്ടെത്തി. നാറ്റ്പാക്ക് അന്വേഷണത്തിലാണ് കണ്ടെത്തല്. അമിതവേഗതയില് ആയിരുന്ന ബസ് വേഗതകുറച്ച് പെട്ടെന്ന് നടു റോഡില് നിര്ത്തി. ഇത് അപകടത്തിന്റെ തീവ്രത കൂട്ടുകയായിരുന്ന" MalluChronicle
പാലക്കാട്: വടക്കഞ്ചേരി അപകടത്തില് കെഎസ്ആര്ടിസി ഡ്രൈവറുടെ ഭാഗത്തും വീഴ്ച ഉണ്ടെന്ന് കണ്ടെത്തി. നാറ്റ്പാക്ക് അന്വേഷണത്തിലാണ് കണ്ടെത്തല്. അമിതവേഗതയില് ആയിരുന്ന ബസ് വേഗതകുറച്ച് പെട്ടെന്ന് നടു റോഡില് നിര്ത്തി. ഇത് അപകടത്തിന്റെ തീവ്രത കൂട്ടുകയായിരുന്നുവെന്നാണ് കണ്ടെത്തല്.
അപകടത്തിന്റെ പ്രധാന ഉത്തരവാദി ടൂറിസ്റ്റ് ബസ് ഡ്രൈവര് എന്നും കണ്ടെത്തി. മുന്നിലുണ്ടായിരുന്ന കാറിനെ മറികടക്കാനുള്ള ശ്രമത്തിനിടെ ടൂറിസ്റ്റ് ബസ് നിയന്ത്രണം വിട്ട് കെഎസ്ആര്ടിസി ബസിന്റെ പിന്നില് ഇടിച്ചുകയറുകയായിരുന്നു. എറണാകുളം മുളന്തുരുത്തി ബസേലിയസ് വിദ്യാനികേതന് സ്കൂളില് നിന്ന് വിനോദയാത്രയ്ക്ക് പോയ കുട്ടികളുടെ സംഘമായിരുന്നു ടൂറിസ്റ്റ് ബസില് ഉണ്ടായിരുന്നത്. കൊട്ടാരക്കര കോയമ്പത്തൂര് സൂപ്പര്ഫാസ്റ്റ് ബസിലാണ് ടൂറിസ്റ്റ് ബസ് ഇടിച്ചത്.
അപകടത്തില് ഒന്പത് പേരാണ് മരിച്ചത്. ഇതില് അഞ്ച് പേര് വിദ്യാര്ത്ഥികളും ഒരാള് അധ്യാപകനും മൂന്ന് പേര് കെഎസ്ആര്ടിസി യാത്രക്കാരുമാണ്. എല്ന ജോസ് (15), ക്രിസ്വിന്ത് (16), ദിവ്യ രാജേഷ്( 16), അധ്യാപകനായ വിഷ്ണു(33), അഞ്ജന അജിത് (16) എന്നിവരും കെഎസ്ആര്ടിസി ബസില് യാത്ര ചെയ്തിരുന്ന ഇമ്മാനുവല് (16) ദീപു (25) രോഹിത് (24) എന്നിവരുമാണ് മരിച്ചത്.
No comments:
Post a Comment