[New post] കള്ളക്കടത്ത് സ്വർണം കവർച്ച നടത്താൻ ശ്രമം ; വെളിയങ്കോട്, മാറഞ്ചേരി, ചാവക്കാട് സ്വദേശികൾ ഉൾപ്പടെ അഞ്ച് പേർ പിടിയിൽ..
NEWS DESK posted: " പെരിന്തൽമണ്ണ: ഹൈവേ കേന്ദ്രീകരിച്ച് കള്ളക്കടത്ത് സ്വര്ണ്ണം കൊണ്ടുപോകുന്ന വാഹനങ്ങളേയും ആളുകളേയും ആക്രമിച്ച് സ്വര്ണം കവര്ച്ച നടത്താന് ശ്രമിച്ച അഞ്ചുപേര് പെരിന്തല്മണ്ണയില് പൊലീസിന്റെ പിടിയില്. കൊപ്പം മുതുതല സ്വദേശി കോരക്കോട്ടിൽ മുഹമ്മദ് റഷാദ്" MalluChronicle
പെരിന്തൽമണ്ണ: ഹൈവേ കേന്ദ്രീകരിച്ച് കള്ളക്കടത്ത് സ്വര്ണ്ണം കൊണ്ടുപോകുന്ന വാഹനങ്ങളേയും ആളുകളേയും ആക്രമിച്ച് സ്വര്ണം കവര്ച്ച നടത്താന് ശ്രമിച്ച അഞ്ചുപേര് പെരിന്തല്മണ്ണയില് പൊലീസിന്റെ പിടിയില്.
കൊപ്പം മുതുതല സ്വദേശി കോരക്കോട്ടിൽ മുഹമ്മദ് റഷാദ്(30), കൂടല്ലൂര് സ്വദേശി ചോടത്ത് കുഴിയിൽ അബ്ദുൾ അസീസ് (31), മാറഞ്ചേരി സ്വദേശി കൈപ്പള്ളിയിൽ മുഹമ്മദ് ബഷീർ (40), വെളിയങ്കോട് സ്വദേശി കൊളത്തേരി സാദിക്ക്(27), ചാവക്കാട് മുതുവറ്റൂര് സ്വദേശി കുരിക്കലകത്ത് അൽതാഫ്ബക്കർ(32)എന്നിവരെയാണ് പെരിന്തല്മണ്ണ സി.ഐ. സി അലവി അറസ്റ്റ് ചെയ്തത്.
കഴിഞ്ഞ 26നാണ് വിദേശത്ത് നിന്ന് കോയമ്പത്തൂര് എയര്പോര്ട്ടില് ഇറങ്ങി നാട്ടിലേക്ക് വരുന്ന വഴി കാസര്ഗോഡ് സ്വദേശികളുടെ ശരീരത്തില് ഒളിപ്പിച്ച് കടത്തിയ ഒരുകിലോഗ്രാം സ്വര്ണം കവര്ച്ച നടത്താനായി സംഘം രണ്ട് കാറുകളിലായെത്തിയത്. എന്നാല് നാട്ടുകാര് ഇടപെട്ടതിനെ തുടര്ന്ന് സംഘം കവര്ച്ചാശ്രമം ഒഴിവാക്കി കാറില് രക്ഷപെടുകയായിരുന്നു.
തുടര്ന്ന് നാട്ടുകാര് സ്റ്റേഷനിൽ വിവരം നല്കിയതിന്റെ അടിസ്ഥാനത്തില് പെരിന്തല്മണ്ണ സി.ഐ. സി അലവിയുടെ നേതൃത്വത്തില് കാസര്ഗോഡ് സ്വദേശികളായ രണ്ടു പേരെ കസ്റ്റഡിയിലെടുത്ത് കള്ളക്കടത്ത് നടത്തി കൊണ്ടുവന്ന ഒരുകിലോഗ്രാം സ്വര്ണ്ണവും പിടികൂടിയിരുന്നു. തുടര്ന്ന് നടത്തിയ അന്വേഷണത്തില് കവര്ച്ചാസംഘത്തെകുറിച്ച് സൂചനലഭിക്കുകയും മുഖ്യ സൂത്രധാരനായ മുഹമ്മദ് റഷാദ് നെ കുറിച്ച് വിവരം ഭിക്കുകയും ചെയ്തു എന്നാണ് പൊലീസ് പറയുന്നത്.
No comments:
Post a Comment