ന്യൂഡല്ഹി: ആരോഗ്യ നില മോശമായതിനെ തുടര്ന്ന് പ്രധാനമന്ത്രി നരേന്ദ്ര മോദിയുടെ സഹോദരനെ പ്രഹ്ലാദ് മോദിയെ ആശുപത്രിയില് പ്രവേശിപ്പിച്ചു.
നരേന്ദ്രമോദിയുടെ ഇളയ സഹോദരനാണ് പ്രഹ്ലാദ് മോദി. ഇദ്ദേഹത്തെ ചെന്നൈയിലെ അപ്പോളോ ആശുപത്രിയിലാണ് പ്രവേശിപ്പിച്ചത്.
വൃക്ക സംബന്ധമായ അസുഖത്തെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. ദാമോദര്ദാസ് മുല്ചന്ദ് മോദിയുടെയും ഭാര്യ ഹീരാബെന്നിന്റെയും അഞ്ച് മക്കളില് നാലാമനാണ് പ്രഹ്ലാദ് മോദി.
ഗുജറാത്തിലെ അഹമ്മദാബാദില് പലചരക്ക് കടയും ടയര് ഷോറൂമും നടത്തി വരികയായിരുന്നു അദ്ദേഹം. കേന്ദ്ര സര്ക്കാര് നടപ്പിലാക്കുന്ന വിവിധ നയങ്ങള്ക്കെതിരെ ശക്തമായ പ്രതിഷേധവുമായി പലഘട്ടങ്ങളിലും പ്രഹ്ലാദ് മോദി രംഗത്തെത്തിയിട്ടുണ്ട്.
No comments:
Post a Comment