മലപ്പുറം: കോട്ടയ്ക്കലിൽ നിർമാണത്തിലിരുന്ന കിണർ ഇടിഞ്ഞ് അപകടത്തിൽ എടരിക്കോട് സ്വദേശികളായ രണ്ടു തൊഴിലാളികൾ കുടുങ്ങി. ഇതിലൊരാളെ മൂന്നരമണിക്കൂർ നീണ്ട പരിശ്രമത്തിനൊടുവിൽ പുറത്തെടുത്തു.
ഇയാളെ ആശുപത്രിയിലേക്ക് മാറ്റി. രണ്ടാമത്തെ ആൾക്കായുള്ള രക്ഷാപ്രവർത്തനം പുരോഗമിക്കുയാണ്. കിണർ കൂടുതൽ ഇടിയുന്നത് ആശങ്കയുണ്ടാക്കുന്നുണ്ട്
എടരിക്കോട് പൊട്ടിപ്പാറ സ്വദേശിയായ അഹദിനെയാണ് പുറത്തെടുത്തത്. പുറത്തെടുത്തപ്പോൾ ഇദ്ദേഹം സംസാരിക്കുന്നുണ്ടായിരുന്നു. ആരോഗ്യനിലയിൽ കാര്യമായ ആശങ്കയില്ല. . മണ്ണിനടിയിൽ കുടുങ്ങിയതിനെത്തുടർന്ന് കാലിന് പരിക്കേറ്റിട്ടുണ്ട്.
എടരിക്കോട് സ്വദേശിയായ അക്ബറാണ് കിണറ്റിൽ കുടുങ്ങിക്കിടക്കുന്നത് മറ്റൊരാൾ. രാവിലെ ഒമ്പതരയോടെയാണ് അപകടമുണ്ടായത്. കോട്ടയ്ക്കൽ കുർബാനിയിലാണ് അമ്പതടിയോളം താഴ്ചയുള്ള കിണർ ഇടിഞ്ഞുവീണത്.
വീടിനോട് ചേർന്ന് പണി നടക്കുന്ന കിണർ ഇടിയുകയായിരുന്നു. ജോലിക്കെത്തിയ തൊഴിലാളികൾ കിണറിലേക്ക് ഇറങ്ങുമ്പോഴാണ് വശങ്ങളിലെ മണ്ണിടിഞ്ഞത്.
തുടർന്ന്, ഉടനെ നാട്ടുകാർ ഓടിയെത്തി രക്ഷാപ്രവർത്തനത്തിന് ശ്രമിച്ചെങ്കിലും രണ്ടുപേരേയും പുറത്തേക്ക് എത്തിക്കാൻ സാധിച്ചിരുന്നില്ല. ഫയർ ഫോഴ്സിന്റെ രണ്ട് യൂണിറ്റ് സ്ഥലത്തെത്തി രക്ഷാപ്രവർത്തനം തുടരുകയാണ്.
.
No comments:
Post a Comment